عالم احتراف الهاردوير

الخميس، 15 مايو 2014

11:42 ص

شرح بالعامية لمصطلحات الهارد لمستخدمى السليفجن والبى سي و wdr

بسم الله الرحمن الرحيم

شرح بالعامية لمصطلحات الهارد لمستخدمى السليفجن والبى سي و wdr

اليكم شرح بالعامية لمعظم المصطلحات الدارجة لمستخدمى اجهزة صيانة الهاردات سليفجن داتا وبى سي 3000 وبرنامج wdr
والافضل ال دبيو دي ار مجانى
فى مبدأ الامر لابد وان نتعرف على الهد ماذا يعنى وما وظيفته heads
الهدود الموجودة جوة الهارد تقدر تقرأ وتكتب البيانات علي الاسطوانات الموجودة بالهارد والهيد الواحد يستطيع القراءة والكتابة فيوجد بالهيد عنصر للقراءة وعنصر للكتابة عنصر القراءة يقوم بقراءة البيانات من الاسطوانات وعنصر الكتابة يكتب علي الاسطوانات ( فاكرين هد الكاسيت)

كدة تمام طيب تعالو نتكلم على حاجة اكيد كلنا سمعنا عنها مش وبس ده كمان شغالين بيها
low level format
او
physical formatting

طب يعن ايه دى
دى اسمها بالعربي التهيئة الفيزيائية ايه يعم هشام انت حتكلمنا كمان فى الفيزياء احنا ادبي مش علمي

اقولكم اصبرو بس بالراحة على ركزو بس حتعرفو كل حاجة:sse
ودى يا حبيبي طبعا بتبقى معمولة للهاردات الخام الجديدة ودى بتم بعد صناعة الهارد وبتقسمه لقطاعات ومسارات واسطوانات
وبعض الناس بيقولة عليها فورمات زيرو وفهمينها على انها بتعيد الهارد لوضع المصنع كأنه خام بالظبط .... كدة وصلت المعلومة
وعشان تفهوموها ادى رسم تحت دققو فيه كدة عشان تدخل دماغكم

طيب فى نوع تانى من التهيئة يعم هشام اقولكم طبعا فيه

بالعامية لمصطلحات الهارد لمستخدمى السليفجن

وهى
logical formatting
ومعناها بالعربي تهيئة منطقية
يعنى كدة عشان نظام التشغيل بتاعنا يتعامل مع الهارد لازم نهىئ الهارد منطقيا ويكوله نظام ملفات معين سواء اللى عارفينه مثلا الفات وال ان تى اف اس
وعشان بقى انظمة التشغيل بيبقى لها اكثر من نظام ملفات يعنى مثلا اللى بيستخدمه الوندوز غير اللى بيتخدمه الليونكس وكدة يبقى لازم نقسم الهارد بقى الى قطع او برتشينات وبكدة نضمن بقى ندى لكل بارتيشن انا عاوزه نوع ملفات معين او نوحد زى منا عاوز

طيب تيجى بقى نتكلم عن مصطلح جميل جدا وطبعا بيعدى علينا يا تري هو ايه ،،،

mbr

او
master boot record

وده وظيفته ايه وموجود فين اقولك براحة بس على وانا اشرحلك الموضوع
اول حاجة لسة مركزين معايا وفاكرين حتى التهيئة الفيزيائية ولا نستوها

طب كويس فرحتونى انكو فاكرين

ده بقى موجود فى اول قطاع طب مين اللى بيعمل القطاعات ده يا حلوين

.... برافو عليكم التهيئة الفيزيائية

هو موجود فيها وهو عامل بالبلدى كدة زى كاتب ومعاه سجل وقاعد يسجل فيه كل حاجة يعنى مثلا مثلا الهارد ده فى كام برتيشن وكل برتيشن مساحته قد ايه والبرتشينات واخدة حروف ايه وايه البرتيشن اللى عليه نظام تشغيل وبكدة بقى لما الجهاز يشتغل نلاقى البرويسسور الحلو يأمر البايوس يشتغل وفيه خاصية فى البايوس بتدور على السجل اللى محفوظ فى الام بى ار وبكدة تدخل على نظام التشغيل ويشتغل الجهاز
ودى صورة بس خلى بالكم اسمه هنا قطاع الاستنهاض يلا اى خدمة معلومة جديدة

ايه انتو نمتو ولا ايه انتو حرين بالعصايا

طيب طبعا سمعنا كلنا عن الفريم وير
firmware data

ودى يا جماعة عبارة عن سوفت وير فيه معلومات الخدمة الداخلية للمديا ونقدر نقول فيكون فيه كل معلومات الهارد وخلى بالكم من ان لازم تتاكدو وتعرفو ان كل هارد طبعا يا محترفين له الفريم وير بتاعه وده تعرفه من البينات اللى بتبقى على الهارد وده مهم جدا لان فى حالة خلل الفريم وير الهارد بيبوظ وبردو لو شحنت فريم وير تانى ممكن يسبب اعطال كبيرة ومستعصية دى ممكن توقف الهارد باور حتى فخلو بالكم

نيجي بقى لمصطلح تانى dcm

ود بقى يا جماعة اللى فيه بينات الهدود ولابد عند تغيير الهيد ان تكون الدي سي ام متطابقة

ايه صحيين ولا نمتو منى

كُتب : [ 11-12-13 - 01:41 PM ]
عدنا بعد الفاصل وفى يدينا مصطلح هام جدا استنو استنو حكتبو اهو انتو مستعجلين ليه ايه خلاص صحيتو من النوم25485
SERVICE AREA== SA.

يا تري ايه الموضوع ده ومعناها ايه الجملة دى وفيها ايه وموجودة فين ؟؟؟؟

بالبلدى كدة الحتة دى منطقة مهمة جدا فى ميديا الهارد ودى طبعا بتكون خارج منطقة مساحة الهارد اللى بنحط الداتا عليها عشان مهمة جدا جدا طب فيها ايه يا تري المنطقة دى
فيها اشياء هامة جدا بالنسبة للهارد وخطيرة كمان
زى ايه

الموديولات
التراكات

الموديول بيشمل حاجات هامة جدا جدا طب ايه هى
اقولكم
فيه شعار النظام
وسيريال نمبر الهارد
وموديل الهارد

وكمان فيه منطقة البى ليست والجى ليست

p-list
g-list

ايه دول يا هشام كمان اقولكم على وصفة هائلة ووصفة سهلة

تعرفو بيهم الحاجتين دول عشان مهمين

نقدر نقول عندنا سلتين جوة الهارد
سلة صغيرة
وسلة كبيرة

حلو كدة
قولو حلو
حلو
طب نكمل
السلتين دول
السلة الكبيرة هى البي ليست وهى بتيجي على فكرة من المصنع وموجودة عشان يبقى فيه تسجيل لكل خطأ حصل بالهارد والمشاكل اللى تعرض لها الهارد
والسلة الصغيرة بقى هى الجى ليست
ودى بتتسجل فيها كل الاخطاء اليومية اللى حصلت للهارد المسكين

ولما السلتيت يتملوا كدة بقى الهارد يتعرض لمشاكل ومبيرضاش يشتغل
وتهيئة البى والجى ليست مثلا ببرنامج wdr

بتخلى الهارد كأنه فورمات 0

يعنى بتضيع الداتا وبترجع الهارد شباب25485

جميل جدا

نيجي بقى لمصطلح تانى وهو الأخير عشان تلحقو تذاكرو اللى فات وتفهموه
smart

ايه انت بتقول ايه معناها ذكي

طب اقعد يا حبيبي ومتنطقش الا لما اشورلك
والا العصايا حتشتغل

دى يا حلوين اختصار للجملة دى
Self Monitoring Analysis and Reporting Technolog

ومعناها ايه

تكنولجيا التحليل الذاتى للرصد والابلاغ

يعنى برنامج قاعد ومفنجل عنيه عشان يراقب ويدقق ويحلل التقارير اثناء عملية البوت اب .... يعنى ايه البوت اب اقعد يا حبيبي خلاص مش حكلمك عنجليزي معناها يا حبيبي الاقلاع

طيب حد شفها قبل كدة

محدش مر عليه رسالة بتقولك
S.M.A.R.T. hard disk status bad backup and replace error

والناس الناصحة تعمل ايه ساعات توقف خاصية السمارت من البايوس عشان ميقفوش فى البوت على اف 1

وبالتالى وبدون سابق انذار تلاقى الهارد ذهب مع الريح هو وداتك

يارب تكونو استفتدو من الموضوع يارب يكون عجبكم

اتمنى من الله العلى القدير ان يعجبكم المحتوى وان يصل اليكم اسلوبى الغريب نوعاً ما ولكنى تعمدت الحديث بالعامية وهذا الحوار حتى تصل الى المبتدئين بسلاسة وبساطة

ولا اطلب منكم سوي دعوة صادقة عن ظهر الغيب

Unknown

11:29 ص

المزيد

شرح شحن الفلاشة ال Winbond

السلام عليكم ورحمة الله وبركاتة

بخصوص الفلاشة Winbond والتى يشتكى منها بعض الاخوة

اولا اذا كانت المبرمجة تعمل على برنامج 0.98D11 فى كل الفلاشات ويمكنك الاستغناء عنة نهائيا
فيمكنك الاعتماد على البرنامج الجديد 0.98D12
وسوف تعمل بدون مشاكل
وهذا فيديوا توضيحى لطريقة الشحن

اما اذا كانت المبرمجة تعمل على 0.98D8 فى الفلاشات الفيرم والفلاش
فالفلاشات الWinbond Firmware قد لا تعطى ID ولكنها تعمل بدون مشاكل

لتحميل 0.98D12

Unknown

10:15 ص

المزيد

تحميل جميع ملفات شحن بيوس كروت الشاشة

لتحميل الملف اضغط هنا

مع تحيات شركة ايجي شيب

Unknown

9:19 ص

المزيد

شرح المبرمجة المينى بررو MiniPro TL866 USB

المبرمجه
minioro TL866

اولا بعد توصيل المبرمجه علىالكمبيوتر يتم وضع الاسطوانه وتسطيب ا البرنامج اظن لا يوجد مشاكل فى تسطيب البرامج
2-يتم عمل تحديث للبرنامج من موقع الشركه وعمومااااااا سوف ارفع ربط التحديث

رابط التحديث

ده وجه البرنامج ولو حبيت تعمل تجديث من الشركه المصنعه
سوف تضعط على halp h ثم updateكما موضح بالصور

2- تضغط على id لمعرفة id الفلاشه

3- تضغط على كلمة (25 ) لقراءة الفلاشه ثم detectلاختيار الفلاشه ال8 بن

4- تضغط على sleet ic لاختيار الفلاشه ال32 بن كما موضح بالصوره

5- نضغط على( R) لاخذ نسخه من الفلاشه

6-نضغط على حفظ لحفظ الملف الاصلى على الجهاز الى موجود على الفلاشه

7- لمسح الملف القديم

8- لتحميل ملف البيوس الجديد من على الكمبيوتر للبرنامج

9- لشحن الملف الى الفلاشه (p)ثم Progam

تم بحمد الله تجميع الشرح وارجو التثبيت وهذا من مجهودى الشخصى تجميع الشروحات
واول شرح للمنى برو TL866 على مدرسه الابداع ايجى شيب
شرح من مدونات اخرى خارج المدرسه تابع

هى دائرة شحن تتميز بسرعتها العالية فى قراءة وشحن جميع شرائح البايوس الخاصه باللاب توب والماذربورد ,, تعمل هذه الدائرة عن طريق كيبُل الـUSB الذى يأتى معها وهو يمدها بالطاقه وناقل للبيانات فى نفس الوقت فلا تحتاج لمصدر طاقه خارجى كما تدعم هذه الدائرة حوالى 13.000 شريحه

أترككم مع الشرح المصور لها

فى البداية وقبل أى شئ عند شراء هذه الدائرة واستعمالها ولأول مره يجب عليك عمل Reflash Firmware للدائرة عن طريق البرنامج الخاص بها ويحتاج ان يكون جهازك متصل بالانترنت وهى عمليه لا تأخذ اكثر من دقيقة وإليكم شرح مصور لها

كما هو موضح فى الصورة نضغط على Reflash Firmware

بعدها تظهر لنا هذه الرسالة ثم نقوم بالضغط على Reflash ومن ثم نشاهد التحميل وهذه العملية نقوم بها مره واحده فقط عند اول استخدام للدائرة

والأن ننتقل لشرح مبسط للبرنامج الخاص بالدائرة

اذا كان البرنامج باللغه الصينية لديك وتريد اختيار الانجليزيه عليك باستخدام هذه القائمه أعلى البرنامج

كيفية أختيار بيانات شريحة البايوس فى البرنامج

1– نضغط على الجزء المشار له بالسهم الازرق
2- يمكنك كتابة الرقم الموجود على الشريحه ليقوم البرنامج بالبحث عنه فى المكان المشار له بالسهم الأحمر

3 – او يمكنك اختيار نوع الشريحه من القائمه الصفراء

4 – بعد ذلك نقوم باختيار اسم الشركة المصنعه للشريحه من القائمه الخضراء وهو مدون عليها

5 – بعدها نقوم باختيار رقم الشريحه من القائمه الحمراء والضغط على كلمة Select

أو يمكنك استخدام خاصية الـ Auto Select 25

وهى خاصية تجعل الدائرة تقرأ بيانات الشريحه تلقائياً كما هو موضح فى الصورة

1 – نضغط على الايقونة المشار لها بالسهم الأزرق والتى تحمل رقم 25

2 – ثم نقوم بأختيار نوع الشريحه التى نريد العمل عليها ان كانت 8 pins او 16 pins

3 – ثم نقوم بالضغط على Detec

كما هو موضح بالصورة تمت قراءة بيانات الشريحه تلقائياً و الان نقوم بالضغط على كلمة Select

لمعرفة الـ ID الخاص بالشريحه نضغط على الايقونة الموضحه بالصورة

لقراءة الملف الموجود على الشريحة نضغط على الايقونة الموضحه بالصورة

لتأكيد ومقارنة القراءة نضغط على الايقونة الموضحه بالصورة

ونستخدم هذه الايقونة لحفظ الملف الذى تم قرائته

لحذف البيانات الموجوده على الشريحه نستخدم هذه الايقونة

لكتابة وشحن ملف على الشريحه نستخدم هذه الايقونة

ثم نقوم باختيار ملف البايوس من على الجهاز

وبعد ذلك نستخدم خاصية الكتابه

وهناك ثلاث مراحل للكتابة لا تأخذ اكثر من دقيقتين

المرحلة الأولى حذف البيانات الموجوده على الشريحة

المرحلة الثانية وهى الكتابة على الشريحة

واخر مرحلة تأكيد الكتابة

وهذه الرسالة تخبرنا بنجاح عملية الشحن

والى هنا انتهينا مش شرح برنامج مبرمجة الشحن MiniPro tl866 USB
أرجو ان اكون وفقت فى الشرح

Unknown

9:07 ص

المزيد

الأربعاء، 14 مايو 2014

طريقة قياس مكونات البرده بشكل مبسط

بسم الله الرحمن الرحيم
طريقة قياس مكونات البرده بشكل مبسط علي قدر المستطاع

نبدأبالمكثف

ولة طرفان موجب وسالب والمكثف يقاس على البوردة او خارجها لان لة اطراف ووظيفتة شحن لاتيار وتفريغة ويقاس بالميكروفراد ويكون قيمة الفولت 6.3 وبعض البورد 10 اللى 15 فى دائرة الرامات

طريقة قياسة
من البوردة على البازل يتم مسك الاطراف فان اعطى رقم موجب وفى الاتجاة الاخر اعطى صفارة قصيرة ورقم سالب ويصل رقم الموجب نفسة فى الاتجاة الاول يكون سليم
خارج البوردة
على وضع الاوم 20 ك ويعطى مرة بالموجب وفى الاتجاة الاخر بالسالب يكون شحن وتفريغ

ثانيا :الملفات
يحول الترددالعالى اللى تردد منخفض ليس لها اطراف
طريقة قياسة :
خارج البوردة او داخلها على الاوم بالتدريج يعطى قيمة الملف يكون سليم او بالبازل ان اعطى صفارة يكون سليم

ثالثا الموسفت :

لة 3 اطراف واحد مصب واحد منبع واحد بوابة وهو نوع من انواع الترانزستورات ويختص بالداتا داخل البوردة وفى بعض الدوائر الاخرى يختص بالبور

طريقة القياس :
داخل البوردة على وضع الاوم البازل رجل تعطى قراءة والاخرى قراءة اقل نسبيا يكون سليم واذا اعطى صفارة طويلة يكون شورت او تالف
اويعطي قياس رقم مابين 300 الي 700 علي وضع الدايود في اول قياس والثلاثه الاخري رقم 1 مع ملاحظة تفريغ الشحنه في البدايه
او على وضع الفولت بعد توصيل الكهرباء رجل تعطى 12 فولت والاخرى 5 فولت
اما خارج البوردة على وضع 20 ك لايعطى اى قراءات على اى رجل وفى هذة الحالة يكون سليموتوجد طريقه سهله جدا وهي قياسه علي البرده علي وضع البازل اذا اعطي جرس علي الطرفان ففي هذه الحاله تالف ولابد من التاكد خارج البرده

رابعا المقاومات

المقاومات ليس لها اطراف ومهمتها اعاقة التيار الكهربي
طريقة قياسة:
داخل البوردة على وضع الاوم بالتدريج تعطى القيمة بالاوم وبالتالى يكون سليم

خامسا الزينر :

الزينر لونة احمر ويشبة المقاومة ولة طرف موجب وطرف سالب وخاص بالباور وهو يمرر التيار فى اتجاة ولا يمرر فى الاتجاة الاخر[فيوز]

طريقة القياس :
داخل البوردة بالبازل يعطى قراءة فى اتجاة ولا يعطى فى الاتجاة الاخر ووضع الاوم بالتدريج تعطى قراءة يكون سليم ام اذا اخرج شرز عند التشغيل يكون تالف ولا يحتاج لقياس ويتم تغييرة

وسنكمل شرح لباقى مكونات المازربورد كلها وطرق قياسها المختلفة اتمنى من الله ان يوفقنى ان شاء الله
سوف نستكمل شرح لباقى العناصر اللى تتكون منها المازربورد :

سادسا المذبذب:
المذبذب ليس لة اطراف وخاص بضبط التردد bus {الصوت _الفيجا ] ويقاس على وضع الاوم بالتدريج يكون سليم اذا اعطى قراءة

سابعا المقاومات الفلابيرزية [ الدوائر المطبوعة ]:

هى مثل المقاومة وتقاس مثل المقاومة ووظيفتها ال ports مثل lan_com_usb وهذا لايوجد الا فى البوردة p4 _lga

ثامنا الترانزستور:

وهو يوجد غالبا فى دائرة الرام ومعروف قياس الترانزستور انه يعطي 2قياس في 6 قياسات

chip ولها 3 انواع او الشيب :
1_chip site وهى خاصة بالداتا ومنها chip via _intel

2_chip north : وهى خاصة بالكاش

3_it وهى خاصة بالبور وايضا بالداتا

ic::
وهو عبارة عن مربع لة اطراف من الاتجاهين ولا يقاس لانة عبارة عن دائرة متكاملة وهو يتحكم فى وحدة التحكم فى الدوائر

المكثف المعدنى :
وهو مثل المكثفات ويختض بعيوب معينة داخل دائرة الباور اشهرها ان الفانة تلف نصف لفة وتقف [العطل قد تشبه الموسفت في العطل
البفات ::

وهى صغيرة مثل المقاومات وتكون بجوارها حرف c وتعمل على تنعيم التيار الخارج من الدائرة واليها

طرق قياسة :
يقاس بالاوم بالتدريج

ملحوظات هامة :::

1_اى ic لا يقاس على البوردة ولا خارجها لانة لايقاس اصلا
الا عن طريق الداتا شيت او السلسكوب
2_ اى شى لة اطراف موجب او سالب خاص بالباور واى شى ليس لة اطراف يختص بالداتا ما عدا اللذى لة طرف مصب يكون خاص بالداتا واى شى لة اطراف {قطبية } يقاس على البوردة

معنى هذا انا هناك دائرتين للمازربورد :
1_دائرة باور ودائرة البور وهي المعروفه بدائرة تنظيم الجهد بمشتملاتها
2_دائرة داتا

Unknown

2:07 م

المزيد